Onartutako mozioan, Isaias Carrascoren hilketa gogor salatu eta gaitzesten zuten. Era berean, elkartasuna adierazi zieten haren senitarteko eta lagunei. Gaineratu zuten, ez dagoela inongo arrazoirik Carrascoren heriotza justifikatzeko eta ETAk ez duela herriaren ordezkaritza bereganatzeko zilegitasunik. Hala, ETA deusestea exijitu zuten.
Antzuolako EAEkoek bestalde, Isaias Carrascoren senitarteko eta lagunei elkartasuna adierazi nahi izan die ohar baten bitartez eta gaineratu zuen joan den egubakoitzean gertatutakoak, indarkeria ekintza guztiek bezala, herri honetan eszenatoki demokratiko bat lortzeko ezinbestekotasuna agerian uzten duela. Gatazkaren sustraietara jo behar dela uste du aladerdiak, eta gaitzespen hutsak ez duela arazoa konpontzen gaineratu zuen.