Buztinzuri eta Kalegoi arteko bidea itxita egongo da autoendako bizpahiru astez

Lanak egin behar dituzte leku horretan, zoru berria jartzeko. Pasabide estu bat utziko dute oinezkoendako, baina autoek ezingo dute bertatik igaro.

Autobusak Antiguan eta Olaranen

Bide mozketa horrek eragina izango du herri barrutik igarotzen diren autobusetan eta lanak egin bitartean Antiguara eraman dute geralekua.

Astelehenetik aurrera, beraz, Bergaratik Zumarragara doazen autobusak Antiguan egingo dute geldiunea. Kontrako noranzkoan doazenak, aldiz, Olaran etxean utzi eta jasoko dituzte bidaiariak.

Piboteak

Aste bukaeretan zirkulazioa erregulatzeko bi pibote jarriko ditu Udalak erdigunean. Bata plazan eta bestea Kalebarrenen. Bata jarrita dago dagoeneko; bestea hamabost eguneko epean jartzea aurreikusten dute.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.