Bergaratik datozenek Uzarragarako bidetik izango dute lehen sarrera

Beheko auzoan herrirako sarrera berria egiteko lanak amaitu gabe daude oraindik. Hala ere, Bergara aldetik datozen ibilgailuek Uzarragarako zubia, Etxezuri pareko sarrera, erabili behar dute Antzuolara sartzeko. Izan ere, orain arteko herrirako lehen sarrera, Eguzki auzoaren parekoa, kendu egin dute. Sarrera berritik Sanjosepe kalean barrena joan ostean, bi aukera izango dituzte: Elay aldera edo Kalebarrenera joatea.

Beheko auzoan

Irteteko, berriz, bi aukera izango dira: lehengo irteera erabiltzea edo Etxezuri paretik irtetea.

Bestalde, Beheko auzora joateko sarrera itxi egin dute, eta auzoan bertan ere izan dira aldaketak. Norabide bakarrekoa izango da zirkulazioa. Hortaz, Kalebarren aldetik sartu ahal izango da eta beheko bidegurutzetik irten. Izan ere, obrak direla medio, bidea estutu egin da.

Azken asfalto geruza

Errepideko konponketak amaitzeko, asfalto geruza bat botatzea falta da, eta eguraldiaren mende daude langileak lanok amaitzeko. Asfaltoa bota ostean, marrak zuriz pintatuko dituzte, eta, seinale eta argiztapen egokia ipinita, gertu egongo da bidea.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.