Balkoirik apainenak saria jasoko du

Balkoi eta Leihoetako XII. Lore Apainketa Lehiaketa antolatu du Udalak. Lehiaketa horren helburua da balkoiak eta leihoak ahalik eta txukunen izatea, loraz eta landarez apainduta. Izan ere, herriari estetikoki itxura polita ematen dio etxeetako kanpoko aldeak lorez janzteak.

Antolatzaileek esan digutenez, urte gehienetan etxebizitza berdintsuak dira apainketan ahalegin berezia egiten dutenak. Hala ere, saiatzen dira sarituak beti berdinak izan ez daitezen. Izan ere, baliteke etxebizitza batzuek dauden tokian daudelako edo balkoiak zein leihoak alde eguzkitsuagoan dituztelako besteek baino gehiago edertzea. Horretarako auzo ezberdinetan arreta ipintzen dute besteak beste herritarren ahalegina saritzeko.


Udaleko ordezkariak arduratzen dira 90 euroko sariak zein herritarri emango dizkieten erabakitzeaz. Horretarako sari banaketa baino egun  batzuk lehenago herrian barrena egingo dute bueltatxoa eta atentzioa ematen dieten leihoak eta balkoiak zein diren esango dute. Sari banaketa ekainaren 23an egingo dute. 

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.