Balkoi eta leihoetako lore apainketa lehiaketa martxan da

Udaberria iritsi da Antzuolara ere eta laster batean igarriko da hori Antzuolako balkoietan. Izan ere udalak, aurten ere, balkoi eta leihoetako lore apainketa lehiaketa jarri du martxan.  

Deialdia joan den astean egin zuen udalak eta oraindik ere herriko balkoi gehienak triste samar daude. Dena dela, berehala hasiko dira petuniak, geranioak edota surfiniak Antzuolako balkoiak apaintzen.

Sariak

Lehiaketak 90 euroko bi sari izango ditu, epaimahaiaren ustez balkoi edo leihorik ederrenak dituzten bizilagunentzat. Datozen bi hilabeteotan ikusiko dute saria nori eman. Beraz lehiaketan parte hartu nahi dutenek oraindik ere bi hilabete dauzkate euren balkoiak kolorez janzteko eta euren originaltasuna erakusteko.