Bilera irailaren 21ean, astelehenean izango da 19:00etan izango da Torresoroan. Ondoren, hilaren 22an, 23an eta 24an udaletxeko batzar aretoan proiektua ikusgai ipiniko dute.
Zubia 30 metroko altueran
Lehenengo zatiaren proiektua erakutsi zutenean egin zuten bezalaxe, oraingoan ere, herritarren alegazioak jasoko dituzte eta komeni da irailaren25a baino lehen alegazioak egitea.
Bigarren zati hori Egurribai baserriaren inguruan hasiko litzateke, tunela amaituko den tokian eta San Blas aldean, trena hurrengo tunelera sartuko litzatekeen tokian amaitu.
Zati horretan ia dena biaduktua izango da eta ia bigarren tramo horren zati handiena zubibide horrek hartuko duenez, garrantzitsuena ere izango da. Guztira zazpi zutabe eta 500 metro inguru izango ditu 30 metroko altueran egongo den zubiak. Hortaz, sekulako begi-inpaktua eragingo du. Gainera, kontuan hartu behar da Deskarga inguruan errekaren eta errepidearen gainetik pasako dela.