Armarriaren inguruko hausnarketa prozesua aurkeztu dute

Arantzazu Ezkibel Galdos 2010ko urr. 20a, 14:39
Edurne Egaña foru administrazioko diputatuak eta Pedro Iturbe alkateak aurkeztu dute prozesu parte-hartzailea Udaletxean. Urriaren 26an hasiko dute prozesua; aurkezpen bilera izango da 19:00etan Olaran etxean eta parte hartuko dute zozketa bidez aukeratutako 15 herritarrek eta herriko elkarteetako ordezkariek. Gainerako herritarrek Udaleko web orrialdearen bitartez prozesuan parte hartzeko aukera izango dute.

Lehenengo bilera denek elkarrekin egingo dute; eta, Xabier Kerexeta historiagileak azalduko du gaia objektiboki. Ondorengo biak bi taldeek euren aldetik egingo dute. Azkeneko bileran berriro elkartuko dira adostasunera iristeko asmoarekin. Politikoak talde horietatik kanpo geratuko dira.

Gai berezia da

Alkateak adierazi du gai berezia dela: "Kuriosoa da herri batek zalantzan jartzea armarria eta sinboloak". Foru diputatuak esan du Kudeatuz programaren bitartez "kultura politiko berria" sortu gura dutela.

Udaleko web orria

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak