Balorazioa
Martxoan zehar egin zituzten hitzaldietan oinarrituta dago txostena. Historian eta armarrietan adituek esandakoa jaso eta balorazioa egin du Udalak. "Gaia kokatu dugu, eta martxoko hitzaldietan jasotakoaren balorazioa egin, eta ondorioak atera ditugu", azaldu du Pedro Iturbe alkateak.
Nabarralderekin bat
Udalak bere aldetik proposatuko du armarritik 12 kanoiak kentzea; baina ez da "proposamen zehatza" izango. "Hau da, bat egiten dugu Nabarraldek eskatutakoarekin, kanoiak kentzearen alde gaude, baina ez dugu zehaztu zer sartu kanoien lekuan", dio alkateak. Bilerak balioko du herritarren iritzia jasotzeko.
Iturbe alkateak azaldu du armarritik 12 kanoiak kentzeko ze prozesu jarraitu beharko litzatekeen: "Udalbatzak gehiengo osoz onartu beharko luke armarria aldatzea; gero, Foru Aldundiari jakinari beharko zaio hartutako erabakia; eta Eusko Ikaskuntzaren aldeko txostena ere beharrezkoa da. Txosten hori dagoeneko badaukagu, prozesua hasi zenean eskatu genuen-eta".
Gogoratu beharra dago martxoaren 9an, 16an eta 23an izan zirela hitzaldiak. Ondoren, mahaingurua egin zuten GOITBn.