Gaur San Juan bezpera izanik, herri askotan egiten dira jai giroko ekitaldiak, eta Antzuola ez da salbuespena. 20:00etan plazan arbola jasotzea egingo dute, eta zuhaitza plaza erdian gertu dagoenean Oinarin dantza taldekoek euren saioa eskainiko dute. San Juan zortzikoa eta Antzuolako aurreskua dantzatuko dituzte. Sua egitea ere pentsatu zuten arren, Kultura Batzordeak asmoa bertan behera utzi du horretarako toki egokirik ez dagoelako.
Balkoi lehiaketa jaietan
Dantza saioaren ostean banatuko dituzte balkoirik eta leihorik ederrenen sariak. Etxeak lorez apaintzeko eta herriari bizitasun apur bat emateko egiten dute lehiaketa. Saridunak dira herriko alde berrian Lurdes Arregi, eta alde zaharrean Judit Iparragirre. Bakoitzak 90 euroko saria jasoko du.
Bestalde, datorren urtean sariak herriko jaietan banatzea erabaki dute loreak mardulago eta ederrago egoten direlako; eta herriko bi gune ere ez dituzte bereiziko.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak