Antzuolan ere, AHTren lanak hasita

Antzuolako Basalde auzoan, San Blas baseliza inguruan, Abiadura Handiko Trenaren proiektuari lotutako lur zulaketak egiten hasi ziren herenegun, zapatua. Makinak ikusita, Pedro Iturbe alkatea eta Pilar Etxaniz zinegotzia bertaratu egin ziren, langileek beharrezko baimena zuten egiaztatzeko. Hala, lurren jabearen baimena zutela jakin zuten.