Honakoak dira administrazio kontseiluko kide berriak: Pedro Iturbe (EAE), Mamen Jauregi (EAE), Jose Mari Iturbe (Zutik-Ezker Batua-Aralar), Joxi Beltran (EAJ) eta Paco Morcillo (PSE-EE). Pedro Iturbe alkatea izango da kontseilu horretako lehendakaria. Bestalde, Antzuolako Udal Etxegintzako batzorde orokorra aurrerantzean osatuko dute udalbatza osatzen duten zinegotzi guztiek.
Gobernu batzordea
Eguazteneko batzarrean, alkatearen hainbat dekreturen berri ere eman zuten; horietako baten, alkateak gobernu batzorde berriaren eraketa zehazten du. Honakoek osatuko dute gobernu batzordea: Pedro Iturbek (EAE), Patxi Olabarriak (EAE), Mari Paz Ugaldek (EAE) eta Pilar Etxanizek (Zutik-Ezker Batua-Aralar).
Batzordeak, lanean
Udal berrituan eratutako batzorde informatzaileak hasi dira lehen batzarrak egiten. Aurreko astean egin zuen lehendabiziko batzarra Hirigintza batzordeak; oraingo astean Euskara eta Hezkuntza batzordeak, Kirol eta Gazteria batzordeak eta Kultura batzordeak elkartu dira. Gainerakoak irailetik aurrera hasiko dira lanean.