Antzuolako Motor Taldea sortu dute

Herriko automobil eta motorzale talde batek Antzuolako Motor Taldea elkartea sortu berri du. Duela bi aste egin zuten lehendabiziko batzarra eta bost lagun elkartu ziren.

Azaroaren 15ean egingo dute hurrengo batzarra, 19:00etan, Olaran etxean. Gotzon Del Teso taldeko kideetako batek azaldu duenez, batzar horretan jende gehiago elkartzea nahi dute eta urtean zehar antola ditzaketen ekintzak zehaztea.

"Printzipioz, nahi dugu urtean lau bat ekintza, behintzat, antolatu; besteak beste, automobil klasikoen erakusketa eta motorren irteerak", azaldu du Gotzon Del Tesok.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.