Antzuolako jaietako paella lehiaketako oinarriak

Aurten II. Gastronomia Lehiaketa egingo da herriko jaietan. Paella egin beharko da. Izena emateko azken eguna uztailaren 10ean izango da. Hemen dituzue parte hartzeko arauak:

Arauak

  • Aurten paella egingo da.
  • Antzuolan jaio edota bizi direnek dute parte hartzeko aukera.
  • Antzuolako gastronomia elkarteek, auzotarrek, koadrilek, herriko edozein elkartek, zein horretarako osatutako taldeek eman dezakete izena.
  • Taldeak bi edo hiru lagunekoak izango dira.
  • 11:30erako aurkeztuko dira parte hartzaileak pilotaleku txikian.
  • 11:45ean hasiko dira paella prestatzen.
  • 13:15ean bukatuta egon beharko da.
  • 13:15etik aurrera epaimahaia elkartu, erabakia hartu eta sari banaketari ekingo zaio.
  • Udalak ipiniko ditu: jakiak, sua, amantalak eta sariak.
  • Paellera udalak ipiniko du, baina osterantzeko ontziak (sardeska, kutxilo, etab.) parte hartzaileek ekarriko dituzte.
  • Lanerako suak eta mahaiak zozketa bidez erabakiko dira lehiaketa hasi baino lehen.
  • Jana lehiaketan bertan prestatu beharko da, bakarrik salda edo fumeta ekarri daiteke eginda.
  • Epaimahaia osatuko dutenak kanpotarrak izango dira.
  • Lehiaketan aurkeztu direnek oinarri hauek eta epaimahaiak hartutako erabakia onartuko dute.

Izena emateko

  • Lehiaketan izena eman nahi duenak uztailaren 10a du azken eguna.
  • Deitu telefonoz udaletxera (943 766 246) edo idatzi e-posta bat: kultura@antzuola.net

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.