Ekosistematik uholdera
Erakusketa didaktikoak bost gune dauzka. Hala, lehenengoan, uraren inguruko ekosistema bat simulatzen da; hurrengo guneetan, ekosistema hori gizakiak nola aldatu duen azaltzen da, dena Antzuolaren kasura egokituta.
Hala, bigarren gunean, Antzuolan ura zertarako erabili den azaltzen da –garbitzeko, argi-indarra sortzeko, larrua lantzeko…–; hirugarrenean, hasierako harreman ona zelan okertu zen erakusten da, izan ere, Antzuolak uholde asko izan ditu, eta horietako bat simulatzen da, egileek 1988ko uholdeko argazkiak ipini dituzte, hori izan zen-eta herriak izan duen txarrenetako bat. Segidan, uholdeek Antzuolan izandako ondorioak erakusten dira; eta, bukatzeko, Antzuolak hori konpontzeko egin duena: erreka desbideratzea, alegia.