Iturriak eta mugarriak
Antzuolako ondarea ikusteko aukera ere egongo da: Aldabe iturria, Burbinkutz mugarria, Ilunpeko iturria eta Bonbulu indarretxeko ubideak ikusiko dituzte. "Lehengo urak eta hartuneak ezagutuko ditugu", dio Iturbek.
Ibilbidean zehar Jose Mari Iturbek berak emango ditu azalpenak.
Sei kilometroko ibilbidea
Sagastitik Bonbulurainoko zatiak hiru kilometro ditu; hortaz, joan-etorria sei kilometroko ibilbidea izango da. Edonork egiteko moduko ibilaldia izango dela adierazi dute antolatzaileek.
09:00etan irtengo dira, Sagastitik. Eta ez da izenik aurretik eman behar, bertan agertzea nahiko izango da irteeran parte hartzeko.
Ez da lehenengo aldia horrelako ibilaldiak antolatzen dituztena; aurrez, Antzuolako iturrien ibilbidea eta trenaren bidea ere egin dituzte.
Bidegorria, amaitzear
Bidegorria ia amaituta dago; oraindik, argiak eta beste zenbait detaile jartzea falta da. Laster amaituta egongo da, eta herritarrendako erabilgarri.