Madrildik datorren E-planaren diru-laguntza aprobetxatuko du Antzuolako Udalak Antigua eta Errekalde auzoetako argiteria berritzeko. Lanok egiteko aurrekontua 39.337,22 eurokoa da. Asmoa da martxorako esleipena egitea, eta behin hori eginda lanok egiteko hiru hilabeteko epea egongo da.
Argiteria azpiegitura berritzeak izango duen zailtasun tekniko txikiak direla-eta, ez da beharrezkoa izango proiektua idaztea. Hala, Udaleko zerbitzu teknikoak arduratuko dira aipatutako bi auzoetako lanak gainbegiratzeaz.
Zaharkituta geratu da
Pedro Iturbe alkateak lanok egiteko “beharra” azpimarratu du. Izan ere, auzoa zaharkituta geratu da, eta gaur egungo argiteria azpiegitura ez da egokiena.
Antigua eta Errekaldeko argiteria sareak ez du eroale neutroa eta hainbat tokitan, ezta babesgarririk ere. Hala egingo dituzten lanekin sarea hobetuko da, eta neurri batean, baita segurtasuna ere. Esan behar da lurrerako eroalea jarriko dutela argiteria azpiegitura guztian.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak