Anelkarrekoak pozik daude domekan jaso zuten erantzunarekin. Pintxo solidarioak eman zituzten herriko plazan, jaietako giroa aprobetxatuz. Lehenengo datuen arabera 1.200 euro inguru jaso zituzten dohain bezala. 40 kilo hirugihar eta 13 kilo txistorra banatu zituen Anelkarrek domekan; hori guztia sagardoarekin lagunduta.
Domekan batutako dirua Kongoko eta Senegaleko proiektuetarako bideratuko du Anelkarrek.
Mundumirarako erositakoak
Domekan banatutako generoa Mundumira jaialdirako erositakoa izan zen. Aurreikusitakoa baino gutxiago saldu zuten Mundumiran Anelkarrek, AKEk eta Oinarin dantza taldearen txosnak. Hala, sobratutako generoa izozkailuan sartu eta herriko beste jai batzuetarako erabili dute: besteak beste, Kalebarrengo jaiak eta Ondarrekoak. Zapatuko herri afarian banatutako solomoa ere Mundumirarako erositakoa izan zen. Saldu barik geratu den generoa ingurukoen artean saltzen dabiltza, hutsean ontziratuta.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak
