Ekitaldiak 19:00etan hasiko dituzte; ordu horretan jarriko dute Bidezko Merkataritzako produktuak saltzeko postua Zurrategi plazan. Zozketa ere antolatu dute; batetik, Euskadiko Kutxak emandako oparien sorta bat zozkatu dute eta bestetik, Bidezko Merkataritzako produktuen beste sorta bat. Domeka arratsaldean zehar ibiliko dira zozketarako txartelak saltzen. Brasil, Congo eta Senegalerako izango da batutako dirua. Gainera, herrialde horietan martxan dauzkaten proiektuen berri emango diete domekan herritarrei.
kale antzerkia
Bestalde, kale antzerki emanaldia antolatu du Anelkarrek, Udalaren laguntzarekin. Oihulari Klown antzerki taldeak Otiacicoch antzezlana eskainiko du Zurrategin. Antzezlan probokatzailea da. El Salvadorretik eta 1500. urtetik etorritako indigena talde bat osatzen dute aktoreek. Txundituta geratuko dira publikoan daudenen arroparekin, orrazkerekin... Hasieran, beldurtu ere egingo dira, baina, gero, jolasean hasi eta publikoa probokatu ere egingo dute.