Eztala futbol zelaiko berritze lanak aurrera doaz eta obrak direla-eta, azken aldian etxetik kanpo ibili dira herriko futbolariak; Bergaran entrenatzen eta Oñatin jokatzen. Hori dela-eta Antzuola Kirol Elkarteko futbol sailetik eskerrak eman nahi dizkiete Aloña Mendikoei eta Bergarakoei denbora tarte horretan euren instalazioak uzteagatik.
Denboraldia amaitu berri dute antzuolarrek euren taldeko sailkapeneko seigarren tokian eta uztailean aurre denboraldia zelai berrian hastea da euren asmoa. Ondoren, oporrenostean, abuztuaren amaieran ekingo diote berriz.
Talde berriak sortu nahi
Hurrengo denboraldirako futbol zelai berria izanik kirol elkartearen nahia da benjamin, alebin eta infantil mailako taldeak ateratzea herrian eta baita nesken taldea ere. "Herriko futbol zaleak animatu nahi ditugu jokatzera etaguk ere ahalegin berezia egingo dugu taldeak sortzeko", esan digu elkarteko Jose Angel Fernandezek.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak
