2007a urte borobila izan zen Aitor Mendizabalendako, eta 2008a ez du okerrago hasi. 19 urte egin berri –urtarrilaren 3an–, Antzuolakoak denboraldiko hirugarren txapelketa poltsikoratu zuen egubakoitzean Sopelan (22-14). Hala, etxean gordeta izango dituen Elgetako lau t'erdiko Txapelketako eta DV Sariko txapelekin batera jarriko du egubakoitzean irabazitakoa.
Mendizabalek onartu moduan, gustura jardun zuen partiduan: "Aurretik ibili nintzen beti, baina hasieran alde txikiarekin. 14-13koa egindakoan, baina, aurrera egin nuen, partidua amaitu arte".
Kolpe freskoa
Pilotari kontrario izan zuen Urtasunek baino freskotasun handiagoarekin emanda irabazi zuen Mendizabalek finala, baina datorren hilean izango duen hitzordura begira –Mallabian jokatzen duten Biharko Izarrak Txapelketa–, Antzuolakoak atseden hartu behar du: "Garrantzitsuena eskuetatik ondo egotea da, eta orain justu samar nabil, min egiten didate". Hori jakinda, datozen asteotan lasai ibiltzeko asmoa du Mendizabalek.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak