Oraindik ordua zehaztu barik dute, baina iazko antzerako ordutegia izango dela uste dute –joateko autobusa 10:00etan eta itzulerakoa 20:30ean–.
Abesbatza eta kontzertuak
Antzuolako abesbatza joango da Aiherrara Santa eskean egitera; hango lagunekin batera ibiliko dira abesbatzako kideak etxerik etxe Santa Agedaren omenez abesten. Gero bazkaria egingo dute Aiherrako eta Antzuolako lagunek.
Gazteak autobusean edo autoan
Bestalde, Aiherrako gazteek antolatuta kontzertuak egingo dituzte Gaztetxean. 22:00etan hasita Xutik eta Entzun taldeek eskainiko dute emanaldia. Idoia Ramirez de Okariz Antzuolako gaztetxeko kideak esan digu oraindik ez dutela erabaki nola antolatu Aiherrarako bidaia: "Izena ematen dutenen arabera erabakiko dugu nola egin bidaia. Beharbada arratsaldeko lehenengo orduan jarriko dugu hara joateko autobusa eta itzulerakoa kontzertuak amaitu ondoren". Esan digu, beste aukera bat autoetan joatea izango dela.