Aurkezpenean 70 lagun inguru izan ziren, eta azalpenak emateaz gain, proiektuari alegazioak ipintzeko aukeraren berri eman zieten. "Egitasmo hau gelditzeko bidean denak lanean jartzea da gure asmoa", dio alkateak.
Alegazioetarako epea gaur amaitu da eta asteon udaletxean egon da proiektua ikusgai.
Udalak, alegazioak
Udaletik hainbat alegazio egingo dituzte proiektu horrek aurrera egin ez dezan. Alkatearen esanetan: "Alegazioak egiteko orduan argudiatuko ditugu herritarren ongizatearekin zerikusia duten gaiak: zarata, esaterako; ingurumenarekiko kalteak; enpresei sor diezazkiekeen kalteak: bibrazioak, adibidez; baserri bideak eta ur emariak..."
Gai juridikoak ere hartuko dira kontuan: "Ingurumen inpaktuari buruzko azterketa egin zenetik urte mordoa pasa denez, berriz egin beharko litzateke. Olaker inguruan industriagunea egiteko asmoan proiektuak duen eragina ere alegatuko dugu", dio alkateak.
Proiektuak Antzuola osotasunean aztertzeko modurik ematen ez duenez, alegazioak egiteko mugak daudela ere salatu dute.