Dagoeneko martxan da 'Antzuola eta antzuolarrak argazki lehiaketa'. Hirugarren urtez jarraian egingo dute aipatutako lehiaketa; esan behar da, lehen Antzuolako txokoak argazki lehiaketa zuela izena. Lanak, Udaletxean aurkeztu beharko dira apirilaren 30a baino lehen; eta, lehiaketan parte hartu ahal du Antzuolan jaio edo bizi den edonork.
Argazkietan Antzuola izan beharko da protagonista: Antzuolako ohiturak, jaiak, Antzuolako jendea, tokiak… azaldu beharko dira argazkietan. Parte-hartzaile bakoitzak, gehienez, hiru argazki aurkeztuko ditu; koloretan edo zuri-beltzean.
Hiru kategoria
Argazkien euskarria 30 x 40 zentimetrokoa izango da, kartoi mehezkoa; eta, argazkiaren neurria, gehienez, 25 x 35 zentimetrokoa. Hiru kategoria egongo dira: 6-12 urte; 13-18 urte; eta, 19 urtetik gorakoak. Informazio gehiago www.antzuola.com atarian dago ikusgai.
ALBISTEAK MUGIKORREAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.