2009ko datuak kontuan hartuta gora egin du biztanleriak Antzuolan. Iaz, jaiotakoak gehiago izan ziren hildakoak baino. Hala, Udaleko datuen arabera 17 pertsona hil ziren Antzuolan 2009an. Horietatik sei emakumezkoak izan ziren eta gizonezkoak 11. Bake epaitegian adierazi digute eurek dituzten datuen arabera hildakoetatik 11 Antzuolan hil zirela; hau da, gainontzeko seiak ospitalean edo beste nonbaiten hil ziren.
Jaiotzak gora
Iaz 36 ume jaio ziren Antzuolan. Horietatik 21 neskak izan ziren eta 15 mutilak.
Beste urte batzuetako datuekin alderatuta, jaiotza kopuruak gora egin du Antzuolan. 2008an, esaterako, 29 haur jaio ziren eta 2006an 13.
Errolda onartzeke
2009ko errolda oraindik onartu barik dago; horretarako, kontuan hartu beharko dituzte migrazio datuak ere.
2008an, esaterako, kanpotik etorritakoak 63 lagun izan ziren; azkeneko urteetako datu altuena 2005ekoa da: 100 lagun etorri ziren kanpotik Antzuolara.