Haima bat jarriko dute Zurrategin eta hantxe egongo dira hainbat saharar; tea hartzeko eta henaz pintatzeko aukera izango dute herritarrek haima horretan.
Batutako diruaren zati handiena Senegalera bideratuko dute, hango eskola bateko teilatua konpontzeko.
Herritarren parte hartzea
Txokolatea, kafea eta gozo gauzak dastatzeko aukera egongo da. Anelkarreko kideek txokolatea eta kafea egingo dituzte, eta herritarrei eskatu diete tartak, pastelak edo pastak eginda parte hartzeko festan. Elkartasuna adierazteko beste era bat ere badugu, hortaz, aukeran.
Dantzarako aukera
Senegaldarrez osatutako Bilboko talde baten emanaldia ere izango dugu zapatuan. Perkusioa jotzen dute eta dantza ere egiten dute.
Anelkarren festetan ohi bezala, Bidezko Merkataritzako postua ere jarriko dute.