Bide gorria egiteko asmoa dago trenbide zaharrean

Zumarraga eta Maltzaga arteko trenbide zaharra aprobetxatuz bidegorria egin nahi dute. Horretarako Udala FEVErekin eta Foru Aldundiarekin batzartu da lurren erosketaz berba egiteko.

Ferrocarriles Españoles de Via Estrecha enpresari Antzuolan geratzen zaizkion lurretan bide gorria egiteko asmoa dute, eta horretarako lurrak eskuratzeko hainbat batzar izan dituzte Udal ordezkariek.

FEVEk 206.452 euroko salneurria ipini bazuen ere, Udalak 100.000 euroko eskaintza egin eta tren enpresak onartu egin zuen.

Foru Aldundiaren laguntza

Orain, Gipuzkoako Foru Aldundiarekin tratua egin nahi du Antzuolako Udalak, lur horiek erosi ahal izateko honek diru laguntza eman diezaion.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.