Hasieran orri bat baino ez zenak gero lau orrialdeko aldizkari itxura hartu zuen. Irailekoa 50. zenbakia izanik berezia da. Orain arteko argitalpenen portadak atera dituzte.
Saria
Urtero euskara planaren barruan sari bat ematen dute eta aurten Izperrako lantaldeari eman diote. Haritz landare bat da saria eta Goizperreko lurretan landatu dute. Argazkian azaltzen dira, hain zuzen ere, Izperrako lantaldean jardundakoak eta orain dabiltzanak. Oraingo euskara teknikaria, Igone Bastarrika, eta lehengoa, Amaia Etxaniz falta dira. Argazkikoak dira Beñat Aiastui, Maider Mujika, Arrate Ibarguren eta Patxi Olabarria.