Eduki hau partekatzeko esteka arbelera kopiatu da.
Atzo, martitzena, iluntzean izan zen gertaera. Ertzaintzaren arabera, bikoteak eztabaida bat izan zuen eta ordenagailuaren pantaila bat bota zion 28 urteko emakumeak gizonezkoari burura. Ertzaintzak emakumea atxilotu zuen eta Bergarako ertzain-etxera eraman zuten, etxe barruko tratu txarrak eragitearen akusaziopean. Gaur deklaratu du Bergarako epaitegian. Gizonezkoa, berriz, Debagoieneko Ospitalera eraman zuten anbulantzian eta buruan puntu batzuk eman behar izan zizkioten.