Kiroldegia
Alkatearen esanetan, aurrez abian dauden beste azpiegitura batzuk amaitu behar dira. "Igerilekuari buruz askotan hitz egin da eta nire ustez mankomunitatetik bultzatu beharko litzateke kirol txartelen bat eta indartu garraio publikoa antzuolarrak inguruko igerilekuetara joateko".
Etxebizitzak
Aurreratu zuen Maristen eraikina zegoen lekuan 20 etxebizitza egingo dituztela. Hala ere Zabaloren esanetan, "hurrengo pausoa da herri barruko etxe zaharrak berritzea".
Errepideak
Ekialdeko sarrerari buruz galdetu zioten alkateari eta honek esan zuen arriskutsua bada ere, berak zaila ikusten duela han biribila egitea.
Erreka Errekako obrei dagokienez, herritarrei "pazientzia" eskatu zien alkateak. Alibiaderoa abuzturako egin nahi dute eta lanak martxorako amaitzea da euren asmoa.
Kultura
Gizarte eta kultura etxe berriaren baitan kultura dinamizatzeko asmoa azaldu zuen saioan. Bestalde, kultura ondarea berreskuratzeko larrugintzaren inguruko azoka eta negozioren bat abian ipintzea aztertzen dihardutela jakinarazi zuen.
Osoko bilkurak
Ostiral goizetan egitearen arrazoia azaldu zuen Zabalok: "arratsaldetan ez zen apenas herritarrik joaten eta ostiraletan goizean eginda zinegotziok argiago joaten gara eta gairen batean interesa duena ere joaten da".
Ondarea
Alkateak esan zuen larrugintzak Antzuolan izandako garrantzia dela eta zaindu egin behar dela; eta besteak beste aurreratu zuen honen inguruan salmentarako gune bat sortzea aztertzen dihardutela.