Etorkizunean Uzarragarako zubia izango da herrirako sarrera. Handik San Joxepera egingo du bideak, Zurrategi pasa eta Kalebarrengo zubiraino. Proiektua ikusgai egongo da martxoan. Sei hilabeteko iraupena izango du eta 1.800.000 euroko kostua.
Kultura eta gizarte etxea
Jose Angel Zabalo alkateak asteleheneko aurkezpenean esan zuenez, "kultura edo gizarte etxea balio anitzeko kultura zentroa izan nahi du. Beheko solairuan gela handi bat egongo da, funtzio anitzekoa, liburutegi handi baten ondoan. Lehenengo solairuan erretiratuendako egoitza eta eguneko zentroa jarriko ditugu. Goian, berriz, zaintzapeko bost etxebizitza egongo dira".
Udan hasi nahi dituzte lanak, proiektuaren prozesu guztia amaituta. Izan ere, oraindik proiektua lantzen dihardute eta asmoa da bi hilabete baino lehen Udalbatzarrean aurkeztea.