Eguazteneko batzarrean berrituko dute ofizialki zuzendaritza batzordea; hala ere, batzorde berriak lanean dihardu dagoeneko orain dela hilabete batzuetatik. Lehengo batzordeko kideen laguntasuna izan dute hilabete hauetan. Jose Mari Alberdi izango da presidente berria. Gainerako batzordekideak honakoak dira: Andoni Balerdi, Eneko Iturbe, Aitor Peñagarikano eta Patri Bideluze.
Balorazio positiboa
Besteak beste, iazko irteera eta ekintzen balorazioa egingo dute batzarrean. Orokorrean, balorazio positiboa egiten dute elkarteko arduradunek. Aurtengo urterako, berriz, hilabetero irteera bat egitea aurrez ikusten dute. Eski irteera egin zuten urtarrilean, Candanchura, eta oso gustura ibili ziren. 40tik gora lagunek parte hartu zuten lehendabiziko ekintza horretan.