Larru-ontzearen etnografia egitasmoa bultzatzeko eta mairuaren alardea biziberritzeko diru-laguntzak

Gipuzkoako Foru Aldundiak emango du diru-laguntza: 125.000 euro emango ditu Antzuolako larru-ontze eta uhalgintzaren etnografi egitasmoa burutzeko; eta 15.000 euro Mairuaren Alardea biziberritu eta eguneratzeko.

Gipuzkoan dagoen ehungintzako tailer bakarra da Antzuolakoa

Gipuzkoan dagoen ehungintzako tailer bakarra da Antzuolakoa

Antzuolak historian zehar larru lanketarekin izandako harremana eta tradizioa entzuna da, hala ere hainbesteko eragina izan duen industriaren lekukorik ez dago gaur egun herrian. Izan ere, jarduera horrekin lotutako gainegitura gehiena desagertu egin da.

Azken urte hauetan, berreskuratze lanak eginez, pare bat larru lantegitako artxiboak errekuperatu eta antzinako argazki bilduma xume bat osatu da eta Gipuzkoako Foru Aldundiaren ondare sailak emandako laguntzari esker berrogei bat urtetan itxita egon den Telleria lantokia berreskuratu da.

Berreskuratu den horrekin eraiki nahi dute lanbidearekin lotutako zentro bat.

Mairuaren Alardearen elkartea

Antzuolako alardean, armen ikustaldiarekin batera borrokaldi historiko bat ospatzen da, hain zuzen ere 920. urteko Baldejunkerako edo Yunkadiako gudua.

Mairuaren Alardearen elkartea helburu batzuekin sortu zen: alardea ezagutzea, bultzatuz sustraitzea, babestea eta zabaltzea. Une honetan baditu helburu ezberdinak jarrita eta horiek burutu nahian ari da: armak erosi eta kutxa bat egin; kanoien errebisioa egin; alardearen inguruan mintegi bat antolatu; liburu bat kaleratu; web gunea osatu... Hori guztia Antzuolako alardea suspertu asmoz.

Hala, Gipuzkoako Foru Aldundiak, helburu horiek betetzeko 15.000 euroko diru-laguntza ematea erabaki du.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.