Euskadiko txapelketan urrezko bi domina eta zilarrezko bat

Aurreko asteburuan, Euskadiko gimnasia erritmikoko txapelketak jokatu zituzten, Gasteizen. Hantxe, antzuolarrek urrezko bi domina eta zilarrezko bat irabazi zuten.

Antzuolako A mailako alebinek (Eukene, Amaia, Onintza, Ane eta Jone) urrezko domina irabazi zuten.

Infantil mailan ere urrezko domina lortu zuten, Ipintzakoek; talde horretan dihardute Usoa eta Lide Toledok eta Jurdana Pildainek. Bakarka, berriz, Usoak bigarren postua lortu zuen.

Maiatzaren 21ean, berriz, Gipuzkoako finala jokatu zuten B mailako alebinek, eta hirugarren sailkatu ziren; Izaskun Fernandez, Alaitz Urkiola, Josune Cantero, Nagore Etxezarreta eta Jennifer Pinedak osatzen dute taldea.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.