Ohi baino aurrekontu handiagoa dauka aurten Nekazaritza batzordeak. Izan ere, 94.643 euro inbertituko dituzte Urruti eta Gorriz baserrien arteko bidean porlana botatzen. Kilometro eta erdiko distantzia dago bi baserrien artean. Aurrekontua 94.643 euro baino handiagoa da; gainerakoa Deba Garaiko Mendi Nekazaritzak jarriko du.
Udaleko arduradunek adierazi digutenez, urria baino lehen lanok amaituta egotea espero dute.
Lau urterako plangintza
Legealdi hasieran, Nekazaritza batzorde berria osatu zutenean, hurrengo lau urteetarako plangintza egin zuten.
Lehendabiziko urtean Basalden egin zituzten hobekuntza lanak; San Blas ermitaren parean, harri-lubeta berria egin zuten errekan.
Hurrengo urteari begira, inor bizi ez den baserrietarako bideak konpontzeko asmoa dauka Udalak.
Laugarren urterako, azkenik, Arrandegi eta Baztarrina baserrietarako bideak konponduko dituzte.