Goizperreko ordezkariek azaldu dutenez, feriara joaten dira, batik bat, nekazariarekin hartu-eman zuzena eduki ahal izateko: "Guk egiten ditugun gailuen erabiltzaileekin aurrez aurre egon ahal izateko aukera ematen du feriak eta horixe da hona etortzeko arrazoi nagusietako bat. Nekazaritza arloak gure makinez zer pensatzen duen jakiteko aukera ematen digu; baita tresna edo makina jakinekin izan ditzaketen arazoak konpontzeko ere. Erabiltzaileek euren lanerako erabiltzen dituzten tresnak nork egiten dituen ikustea positiboa da".
Sari bikoitza
Saritua ere izan da Goizper ferian. Nabarmentzeko nobedadeen lehiaketan, bi osagarrirengatik sari bana jaso du: motxilako ihinztagailuaren presio erregulatzailearengatik eta ihinztagailurako sektore akzesorioarengatik.