Ander Lipus aktore ezagunak Ardoaz bakarrizketa taularatuko digu zapatu gauean. Anderground trilogia osatzen duten bakarrizketetako bat dugu Ardoaz; beste biak dira Minutu bakarra eta Mis rarezas dirias tu*.
Emagaldu batekin maitemintzen den gizon baten istorio krudela kontatzen zaigu bakarrizketa horren bitartez. Emakumea hiltzen denean, pertsonaia "amets alkoholikoetan murgiltzen da".
Antzerkiola Imaginarioak gehien taularatu duen lana da Ardoaz; Euskal Herri osoan 100 emankizunetik gora eskaini dituzte.