Lasterkaldia hilaren 29an hasiko da Aiherran, Nafarroa Beherean, eta hasieratik hor egon nahi duten antzuolarrei gauzak errazteko, autobusa antolatu dute eragileek. Doan da, baina izena eman behar da aldez aurretik, hilaren 25a baino lehen, udaletxean edo liburutegian. Egunean, 16:00etan irtengo da Sagasti auzotik eta 21:00etan itzuliko da Antzuolara.
Lasterkaldia Antzuolara iritsi dela ospatzeko, herri bazkaria egongo da urriaren 30ean, frontoian, eta txartelak salgai daude, hilaren 25 arte, herriko tabernetan, liburutegian eta udaletxean. Helduendako, 10 euro da salneurria; 10 urte artekoendako, 5 euro.
Azkenik, Aiherra-Antzuola senidetzearen urteurrenaren logoarekin kamisetak jarri dituzte salgai. Horiek udaletxean eta liburutegian dituzue.