Alde zaharrari dagokionez, Kalebarrengo balkoi batek jaso du lehenengo saria: Aurora Sanchez eta Alejandro Mujika senar-emazteen balkoiak, hain zuzen ere. Alde berriko balkoiari dagokionez, Ibarrondoko balkoi bat izan da dotoreena, epaimahaikideen ustez; Iñaki Askasibarren eta Pantxika Baleztenaren balkoia, hain zuzen ere.
Maila baxuagoa
Udaleko arduradunen esanetan, aurten ez dute hain zaila eduki erabakia hartzea. Izan ere, aurreko urteekin alderatuta, aurtengo maila askoz baxuagoa izan da; gainera, askoz jende gutxiagok jarri ditu loreak balkoietan.
Sariketa honekin, Udaleko arduradunen helburua da herria apaintzen laguntzen duten herritarrei euren lana eskertzea.