Trenarekin eta trenbidearekin lotutako era guztietako materiala egongo da ikusgai erakusketan. Material gehiena Azpeitiko Trenaren Euskal Museotik ekarri dute. Beste hainbat argazki eta dokumentu, berriz, hainbat herritarrek lagatakoak dira.
Besteak beste, ikusgai egongo dira honako hauek: bidaiarien txartelak, lokomotora egileen plakak, azkeneko bidaiako txartelak eta ordutegien taula bat.
Ikus-entzunezkoa ere bai
Ikus-entzunezko bat ere ikusi ahal izango da; Agustin Lete eta Bittori Lezeta herritarren laguntzarekin prestatu dute bideo hori.
Asteburu honetan eta datorrenean izango da zabalik erakusketa, 12:00etatik 14:00etara eta 18:30etik 20:00etara.