Dekoratu sinple batek osatzen zuen eszenatokia. Lau argik argitzen bikotea. Gainera, hiru gitarra zeuden bi emanaldiko protagonistentzat.
Doinu lasaiekin hasi ziren Anje eta Joseba, eta kanta alaiagoak joaz amaitu zuten. Ez zituzten beraien abestiak bakarrik interpretatu: George Brassens poeta eta kantari frantsesaren abestiak eta Xabier Amuriza bertsolari bizkaitarraren koplak entzun zituzten bertaratutakoek.
Gogoetarako tartea
Abestien arteko tarteetan, euskarari, Euskal Herriari eta bertako egoerari buruzko gogoeta egiten zuten. Hogeita bost urte dituzten abestiek udaletxera gerturatu zirenak animatu zituzten. Hala, "Eperrak" abestiarekin, esaterako, entzuleen ahotsa ozen entzun zen.