Udalekuetarako izenemate epea zabalik dago ume zein begiraleendako

Uztaileko udalekuetarako izena emateko epea zabaldu du Udalak. Umeendako zein begiraleendako dago zabalik epe hori. Martxoaren 15era arte egin ahal izango duzue, udaletxean.

Oraingoz, Udalak izenemate epea zabaldu du, eta udalekuetako egitarau zehatza aurrerago prestatuko du. Izan ere, lehenengo jakin beharra dago zenbat umek hartuko duten parte, zenbat begirale egongo diren…

Uztailaren 1etik 15era bitartean izango dira udaleku irekiak; herrian bertan, hortaz. 5 urtetik Lehen Hezkuntzako 6. mailara bitartekoei daude zuzenduta, eta 25 euro kostatuko da. Astelehenetik egubakoitzera, 09:30etik 13:00etara, egunero egongo da ekintzaren bat.

Begiraleei dagokienez, baldintza bakarrak dira 18 urte izatea, gutxienez, eta euskara menperatzea.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.