Iñaki Toledo antzuolarrak Euskadiko Oilagor Txapelketan parte hartuko du domeka honetan, azaroak 30, Leitzarango ibarrean. Gipuzkoako txapelketan garaile izan zen eta hala lortu zuen besterako txartela. Hamar aurkari izango ditu: lau gipuzkoar, hiru bizkaitar eta beste hainbeste arabar.
Txapelketetan esperientzia handiko da Iñaki, izan ere, azken urteetan Gipuzkoa, Euskadi eta Estatu mailakoetan izan da. Beti ere Moon bere txakurrak lagunduta.
Ehiza denbora-pasa baino gehiago da Iñakirendako. Azarotik urtarrila bitartean astean gutxienez lau egunetan egiten du ehizan. Nafarroa, Trebiño eta Huescako mendiak gustatzen zaizkio horretarako, baina Antzuolan ere aritzen da.