Horren harira gogora erazi du, gainera, azken udal batzarrean –Gernikan egin zuten moduan– aho batez erabaki zutela espainiar, alemaniar eta italiar estatuei eskaera egitea Elgetako herriari barkamena eska ziezaioten, herria bonbardatu eta txikitu izanagatik.
Azaldu duenez, goizean, lehen orduan, herritarren dei ugari jaso dituzte udaletxean, militarrak ikusi dituztela esanez; herriko hainbat tokitan eta armak soinean zituztela.
"Militarrek Elgetan eta inguruetan egin beharko luketen gauza bakarra da barkamena eskatu eta alde egin" esanez bukatu du Euskadi Irratiari eskainitako elkarrizketa.
12:00etan prentsaurrekoa
Gertaera honen aurrean, Elgetako Udalak azalpenak eskatuko ditu, seguruenik; gaur, 12:00etarako, prentsaurrekoa deitu du.