Bergarako Bilduko hautagaiek herri programa aurkeztuko diete hurbiltzen diren guztiei bihar, zapatua. 11:00etan hasita, kaleetan barrena. Ibilbidea laburra izango da eta azalpentxoak emango dizkie herritarrei.
Antzuolan, Bilduk argazki erraldoia aterako du bihar, zapatua, 13:00etan. Plazan elkartuko dira Bildukoak eta Bilduren zaleak. Herritar guztiak gonbidatu dituzte.
EAJk ekitaldia egingo du Oñatin gaur. 17:00etan Herriko Enparantzan. Lourdes Idoiaga Oñatiko alkategaiak eta Markel Olano Gipuzkoako Foru Aldundirako zerrendaburua izango dira. Ondoren, bisita egingo dute Oñatiko kaleetan barrena.
Eta sozialistak ere kanpainan izango dira gaur. Arrasaten eta Eskoriatzan. Arrasaten, Aritz Arrieta alkategaia azoka txikian, 11:30ean, arrosak banatzen. Alkategaiarekin batera, Mondragoeko zinegotzi batzuk eta baita Arritxu Marañonekin eta Fernando Boada; azken hauek parlamentariak dira Madrilen.
Lehenago, 10:45ean, Eskoriatzan egongo dira sozialistak arrosak babatzen: Jose Luis Cantero alkategaia, Marañon, Boada eta Blanca Roncal legebiltzarkidea Gasteizen. Azoka txikian izango da hori.