Andoni Azkargorta Aloñako entrenatzailea pozik gelditu zen denboraldi aurreko azkenengo partiduaren garaipenaren ostean: "Helburuak landuta gelditu dira; joko ona eta talde intentsoa erakutsi ditugu". Eta Liga hasteko prest daudela gaineratu digu. Datorren egubakoitzean izango dute lehenengo partidua Donostian Rotetaren aurka, arratsaldeko 17:00etan.
Aloñak 1 eta o irabazi zuen Aurreraren aurka jokatutako Jose Luis Agirreren omenezko partidua. Jokoa hasi aurretik, zelaiaren erdira irten ziren Agirreren alarguna eta familiartekoak, baita Aloña eta Aurrerako jokalariak ere. Aritz Garmendia kapitainak lore-sorta eman zion alargunari eta futbol federazioako Iñaki San Josek plaka oroigarria. Alarguna hunkitu egin zen: "Aurreko urteko omenaldiaren ostean, ez nuen espero aurten ere egitea eta hunkituta nago".
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.
Harpidetza aukera guztiak