Araberri fisikoki talde indartsua da, eta teknikoki Arrasatekoa baino hobea. Hori onartuta, zuri-moreek euren eskuetan zegoen dena egin zuten, eta partiduko minutu askotan zehar oso ondo, gainera. Baina, nahikoa da bizpahiru minutu txar izatea halako kontrario batek sekulako kaltea sorrarazteko.
17 minutuz parean
MUko jokalariek 17 minutuz aurpegira begiratu zioten Araberriri. Kontraerasoan ondo, euren presioa ondo gainditzen eta jokaldiak ondo amaitzen. Baina atsedenaldian Arrasatekoak 59 puntu jasota erretiratu ziren aldagelara, eta horrek dena esaten du. Euren jokoa zelanbait aldatzeko ahaleginean zonakako defentsa egiteak mesede baino kalte egin zuen, eta Araberrikoak ondo baliatu ziren horretaz. Hori gutxi balitz, epaileek ez zuten aldeko ezer adierazi.
"Hausnarketa eginda garbi dago Araberri, Santurtzi eta beste talderen bat beste liga batekoak direla, ez daudela gure parean. Hori horrela, partidu hauek gure jokoko hainbat arlo hobetzeko aprobetxatu behar ditugu, izan ere, oso zaila da horien kontra irabaztea. Horrek ez du esan nahi ahaleginduko ez garenik, baina horrek izango duen zailtasunaz jabetuta".