Fernandez 12. lekuan heldu zen Olakua auzoan zegoen helmugara eta egindako lanagatik saria jaso zuen.
58 kilometro
Kadete mailako 81 txirrindularik hartu zuten irteera eta, beroaren eraginez, 58 bakarrik heldu ziren helmugara. Kadete mailako ziklistek 58 kilometroko ibilbidea egin zuten: Olakua, Zubillaga, San Prudentzio, Arrasate, Eroskiko biribilgunea, San Prudentzio, Zubillaga, Oñati, Olabarrieta, Udana, Legazpi, Udana, Oñati.
Ziklista indartsuenek seiko taldea osatu zuten, eta esprintean erabaki zuten lasterketa. Iñaki Alonsok punta-puntako ziklista dela erakutsi zuen. "Zapatuan Azpeitiko proba irabazi zuen eta kadete mailako Euskadiko txapela jantzi zuen Bergaran", esan zigun Aloñako ziklismo saileko presidente Pedro Irurtzunek.
Proba bukatu ondoren, sari banaketa ekitaldia egin zuten Artxubi tabernaren aurrean.