Kantxara irten bezain pronto jaso zuten lehen gola kanpotarrek. Izan ere, bederatzigarren segundoan 1-0 jarri ziren galtzen eskoriatzarrak. Barkatu ezineko huts asko egin zituzten norgehiagoka osoan zehar. Hain zuzen, arerioak sartu zituen gol guztiak Nevadoren mutilek eginiko akatsen fruitu izan ziren. Paseak egiterako orduan ez ziren oso fin ibili Eskoriatzakoak, eta, hala, beraien arean baloia lapurtzen zieten etxekoek eta gol errazak egiten zituzten.
Bigarren zatian, hobetu zuten zertxobait eta 1-2 irabazten jarri ziren. Hala ere, amaierarako hamar minutu gelditzen zirenean etorri zen danbatekoa: hiru minututan lau gol egin zieten Lagun Onakoek.