Esku hutsik itzuli zen Mondra Lesakatik, gola 85. minutuan jasota

Lesakako Beti Gazteren aurka 1-0 galduta hasi du denboraldia Mondrak. Iban Rodriguez entrenatzailearen arabera, lehia parekatua izan  zen: "Husnako berdinketa zen emaitza justuena". Gola 85. minutuan sartu zuen etxeko taldeak, baloi luze batean aurrelaria bizkor ibili eta Ander Ruiz de Azua atezaina gainditu ostean baloia sareetara bidalita. Lehen jardunaldia izateko "nahiko ondo" ikusi zuen bere taldea Rodriguezek: "Talde berria da eta oraindik maila hartzea falta zaie hainbat jokalariri. Jarrera aldetik oso ondo egon dira, gogo handiekin".