Gaur, zapatua, arratsaldean Arrasaten deituta dagoen manifestazioa debekatu egin du Auzitegi Nazionalak. Manifestazioa biziarteko zigorraren aurka eta gaixotasun larriak dituzten presoak askatzeko aldarrikatzeko deitu dute, baina Auzitegi Nazionalak uste du asteon askatu duten Jon Agirre euskal preso ohia omentzeko dela, eta ondorioz "terrorismoa" goratuko luketela.
Eloy Velasco epaileak eman du manifestazioaren debeku agindua, auto judizial baten bidez. Aurretik fiskalak erabaki horixe hartzeko eskatu dio.
Ertzaintzari, Espainiako Poliziari eta Guardia Zibilari gaur Arrasateko martxa egin ez dadin neurriak hartzeko agindu die epaileak.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.